4180

Нұр-Сұлтанда коронавирусқа қарсы вакцинация алуға жазылу басталды

Нұр-Сұлтан қаласының әкімі Алтай Көлгінов Instagram парақшасында егу пунктерінің саны үш есеге жуық, яғни 36-дан 100-ге дейін өскенін мәлім етті, деп хабарлайды елорда әкімдігінің ресми сайты.

«Вакцинация — локдаундар мен карантиндік шектеулер болмаған кезге, яғни қалыпты өмірге оралуға мүмкіндік беретін жалғыз тиімді әдіс екенін ескере отырып, халық арасында вакцинацияны бастаймыз.

Вакцинация адамдардың бір мезгілде көп жиналуын болдырмау және қала тұрғындары үшін неғұрлым қолайлы жағдай жасау үшін алдын ала жазылу арқылы жүргізіледі. Бұл вакциналарды медициналық мекемелер арасында біркелкі бөлуге мүмкіндік береді. Жасына байланысты шектеулер мен медициналық көрсеткіштерді ескере отырып, 600 мыңнан астам тұрғын вакцинациялауға жатады. Тек сәуір айында ғана Денсаулық сақтау министрлігі (СК-Фармация) 280 мыңнан астам доза вакцина жеткізуді жоспарлап отыр.

Бірінші. Егу пунктерінің саны үш есеге жуық – 36-дан 100-ге дейін өсті. Бұл — алғашқы медициналық-санитарлық көмек ұйымдары: емханалар, отбасылық денсаулық орталықтары, дәрігерлік амбулаториялар және т.б. Вакцинация пунктерінің жұмыс уақыты сағат 8:00-ден 00:00-ге дейін ұзартылды.

Екінші. Вакцинаны алғысы келетіндердің бәрі өтініш қалдыра алады. Емханаға тіркелу орны бойынша алдын ала жазылу керек. Денсаулық сақтау басқармасының сайтында алғашқы медициналық-санитарлық көмек ұйымдарының байланыс нөмірлері, мекенжайлары көрсетілген тізім жарияланды. https://uoz.astana.kz/ru/vakcinaciya_dlya_gorozhan.

Үшінші. Екпе алуға жазылу Damumed мобильді қосымшасы арқылы да жүзеге асырылады. Қосымшада пациенттің жеке кабинеті арқылы учаскелік дәрігердің қабылдауына жазылу және ескертпеде КВИ-ға қарсы екпе алғысы келетінін көрсету жеткілікті.

Аптаның соңына дейін медициналық мекемелер вакцинацияға ниет білдірушілерді тіркейді, апта соңында вакцинациялауға кіріседі.

Сондай-ақ, Денсаулық сақтау министрлігі жақында "электрондық үкімет" порталында вакцинациялауға еліміз бойынша орталықтандырылған өтінімдерді қабылдауды іске қосады. Онда "вакцинацияға жазылу" жеке қойындысы болады.

Төртінші. Медициналық мекемелер екпе алғысы келетін барлық тұрғындарды қабылдауға дайын. Дегенмен Mega Silk Way СОО сияқты бірқатар сауда-ойын-сауық орталықтарының инфрақұрылымын дайындадық. Сонымен қатар, қаладағы қонақүйлер де дайын. Қажет болған жағдайда, вакцинация пункттерін сол жерде де орналастыруға болады.

Бірінші кезеңде екпені коронавируспен күресте алдыңғы шепте жүрген медицина қызметкерлері, мұғалімдер, тәртіп сақшылары және т. б. алды.

Қазір қала тұрғындары екпе алуға ниет білдіріп жатыр. Бұл бізді қуантады, өйткені халықты вакцинациялау ұжымдық иммунитетті қалыптастыруға және туыстары мен айналасындағы адамдарды қорғауға мүмкіндік береді. Екпе алғандар маска тағып, санитарлық нормаларды сақтау қажет», — деп жазды елорда әкімі.

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109